ဇာတ်ဆောင်၂ယောက်ကတော့ ကယ်ဗင်နဲ့ ဆူဇီတဲ့ တွေ့ဆုံပုံကလည်း ဆန်းကြယ်ပြီး ဖူးစာကလည်းဆန်းကြယ်တော့ လက်ထပ်ဖြစ် ခဲ့ကြပေမဲ့ ကတောက်ကဆလေးတွေကြောင့် ယာယီပြတ်တောက်နေကြတဲ့ ဆက်ဆံရေးတစ်ခုပေါ့ ..
ကယ်ဗင်က ရုပ်ရှင်မင်းသားပါ ဇာတ်ကားက အတော်ပေါက်သွားတော့ ဇာတ်ကောင် နာမည်နဲ့ သူ့ကိုတွဲသိကြတဲ့မင်းသားတစ်ယောက် ဒီတော့ ရုပ်ရှင်နယ်ပယ်က မင်းသား ပီပီ ဆူဇီရဲ့အချစ်ကိုပြန်ရဖို့ ဇာတ်ကွက်ဖန်တီးပါတော့တယ်
သူတို့ဆင်ထားတဲ့ ဇာတ်လမ်းက ကယ်ဗင်က သူ့သူငယ်ချင်းအာနီကို ဓားပြလုပ်ခိုင်း သူတို့အပန်းဖြေအိမ်ရာကို ဓားပြလာ တိုက်ခိုင်းပြီး ဆူဇီ့ရှေ့က သူက မားမားမတ်မတ်နဲ့ ကာကွယ်မယ်လို့ပေါ့
ဖြစ်ချင်တော့ လက်တွေ့အကောင်အထည်ဖော်မဲ့ညမှာ ကယ်ဗင်က ကားပျက်တော့ ချိန်းဆိုထားတဲ့ အချိန်ထက် နောက်ကျမှရောက်သွားပြီး သူတွေ့လိုက်တဲ့မြင်ကွင်းကတော့ သူငယ်ချင်း အာနီရဲ့ ရုပ်အလောင်းတစ်ခုပါပဲ ကဲ..
ဒီကနေ ဘာတွေဆက်ဖြစ်သွားမလဲ ငိုရခက် ရယ်ရခက်နေတဲ့ ကယ်ဗင့်အခြေအနေ တွေကြားထဲ လိုက်ပါခံစား ကြည့်ရှုလိုက်ကြပါဦး
