ငယ်စဉ်ကတည်းက မိခင်ဖြစ်သူ ခံစားခဲ့ရတဲ့ ဒုက္ခတွေ သောကတွေ ဝေဒနာတွေကို အနီးကပ်တွေ့မြင်လာရပြီး ဖခင်ဖြစ်သူရဲ့လုပ်ရပ်တွေကို သဘောမပေါက်နိုင်ခြင်းက တစ်ဖက်၊အရွဲ့တိုက်လိုခြင်းတွေက တစ်ဖက်နဲ့လူပေလူတေလေးအဖြစ်အရွယ်ရောက်လာခဲ့ပါတယ်။
ဒါပေမယ့် အဲ့ဒါတွေအားလုံးဟာ ပြောင်းလဲသွားခဲ့ပြီး အဖေ့အတွေးအခေါ်ခံစားချက်တွေ အိမ်မက်တွေကို လက်တွေ့ကျကျသဘောပေါက်နားလည်နိုင်ဖို့ အဖေ့ခြေရာနင်းဖို့ဆုံးဖြတ်လိုက်ပါတော့တယ်။
ဒီဇာတ်ကားမှာတော့ အာဂုစ်ရဲ့ခရီးစဉ်တစ်လျှောက်ကို အနီးကပ်တွေ့မြင်ရမှာဖြစ်ပါတယ်။
ဇာတ်ကားကို အင်ဒိုနီးရှားစစ်တပ်ရဲ့နောက်ခံသမိုင်းကြောင်းနဲ့ဆက်စပ်တင်ပြထားပြီး ၁၉၇၅ နဲ့ ၁၉၉၆ ကဖြစ်ရပ်တွေကို နောက်ခံထားပါတယ်။
ဘတ်ဂျက်ကိုကောင်းကောင်းသုံးထားပြီး Production Design အမိုက်စားတွေ၊ ခမ်းနားလှပတဲ့တိုက်ပွဲခန်းတွေကို ကျွမ်းကျင်သူတွေရဲ့အကူအညီနဲ့ဖန်တီးထားတာကိုရှုစားရပါလိမ့်မယ်။
