ဇာတ်လမ်းအကျဉ်း
ရဲစခန်းတစ်ခုမှာ တာဝန်ထမ်းဆောင်နေတဲ့ ရဲဝန်ထမ်းတွေထဲက တပ်ကြပ်ခန် တပ်ကြပ်အို တပ်ကြပ်ယွိင်နဲ့ တပ်ကြပ်ပလွင့်တို့ဟာ နာမည်ကြီး ကိုဖက်တီးလေးယောက်ဖြစ်နေခဲ့ပါတယ်။
ဒီလို ဘာကြောင့် နာမည်ကြီးခဲ့တာလဲဆိုတော့... တစ်နေ့မှာ ဒီကိုဖက်တီးလေးယောက်ဟာ ကားစီးပြီး လူဆိုးတွေကိုလိုက်ဖမ်းရင်းကနေ ကားက ဝိတ်များလွန်းတဲ့အတွက် တံတားပေါ်ကို မတက်နိုင်ခဲ့ဘဲ ဂယက်ထနေခဲ့ပါတယ်။ ဒီအဖြစ်အပျက်ကို ပြည်သူတစ်ယောက်ကမြင်ပြီး ဗီဒီယိုရိုက် လိုင်းပေါ်တင်ခဲ့လိုပါပဲ။
အဲ့ဒီဗီဒီယိုဟာ တော်တော်လေးကိုပြန့်သွားခဲ့ပြီး အကုန်လုံးက ဖက်တီးရဲဝန်ထမ်းတွေဆိုပြီး လှောင်ပြောင်ခဲ့ပါတယ်။ ဒီသတင်းကို ရဲမှူးကြီးမြင်တဲ့အခါမှာတော့ ဒီလိုသာဆိုရင် ရဲစခန်းနာမည်ပျက်တော့မယ်ဆိုပြီး စခန်းမှာရှိတဲ့ အဝလွန်နေတဲ့ ရဲဝန်ထမ်းတွေအကုန်လုံး ဝိတ်ချရမယ်လို့ အမိန့်ထုတ်ပြန်လိုက်ပါတယ်။ တကယ်လို့ သုံးလအတွင်း ဝိတ်မချနိုင်ခဲ့ရင် တခြားရဲစခန်းကို ပြောင်းရွေ့ရမှာဖြစ်ပြီး အဆိုးဆုံးကတော့ ရဲအလုပ်ကနေ အနားယူရပါမယ်တဲ့။
ဒီအမိန့်ကြောင့် နာမည်ကြီးကိုဖက်တီးတိုလေးယောက် ဝိတ်ချရမှာဖြစ်ပြီး အစားအသောက်ကိုရူးသွပ်လှတဲ့ သူတို့အတွက်တော့ ဒီကိစ္စမျိုးဟာ ကြီးမားလှတဲ့ပြဿနာဖြစ်ခဲ့ပါတယ်။
ဒီတော့ နာမည်ကြီးကိုဖက်တီးလေးယောက် အမိန့်အတိုင်း သုံးလအတွင်း ဝိတ်ချနိုင်မလား? ဒါမှမဟုတ် ရဲဝန်ထမ်းကနေ အနားယူရမလား? ဆိုတာကိုတော့ အတူစောင့်ကြည့်ရအောင်ပါ။
