ပင်လယ်ခရီးကို စွန့်စားလိုစိတ်ပြင်းပြသူ Robinson Crusoe က အဖေဖြစ်သူရဲ့ ဆန္ဒကို ဆန့်ကျင်ပြီး ပင်လယ်ပြင်မှာ ရွက်လွှင့်ခဲ့ရာကနေ လမ်းခရီးမှာ သင်္ဘောပျက်သွားခဲ့တယ်။
အတ္တလန္တိတ်သမုဒ္ဒရာထဲက လူသူမနီးတဲ့ ကျွန်းတစ်ကျွန်းပေါ်မှာ သောင်တင်သွားပြီးတော့ သူနဲ့အတူ သင်္ဘောပေါ်က ခွေးတစ်ကောင်နဲ့ ကြောင်တစ်ကောင်သာ အသက်ရှင်ကျန်ရစ်ခဲ့တယ်။
Crusoe က သင်္ဘောပျက်မှာ ကျန်နေသေးတဲ့ အစားအသောက်၊ ကိရိယာတွေနဲ့ လက်နက်တွေကို သွားရောက်ရယူခဲ့ပြီး ကျွန်းပေါ်မှာ အိမ်ဆောက်ကာ နေထိုင်ရင်း ကယ်ဆယ်ခံရဖို့ မျှော်လင့်နေခဲ့ပါတယ်။
နှစ်ပေါင်းများစွာကြာအောင် တစ်ကိုယ်တည်း နေထိုင်ရင်း ဆိတ်တွေမွေးတယ် သီးနှံတွေ စိုက်ပျိုးတယ် အဝတ်အစားတွေ ချုပ်တယ်။ အသက်ရှင်နေထိုင်နိုင်ဖို့ ပညာရပ်မြောက်များစွာကို တတ်မြောက်လာခဲ့ရပါတယ်။
တစ်ယောက်တည်း အထီးကျန်စွာ နေထိုင်ရတာကြောင့် စိတ်က ရူးမလိုပုံစံအထိ ဖြစ်ခဲ့ပါတယ်။
ကျွန်းပေါ်မှာ ၂၅ နှစ်ခန့်ကြာပြီးနောက် လူသားစားလူရိုင်းတွေ ကျွန်းပေါ်ရောက်လာတာကို တွေ့ခဲ့ပြီး သူတို့သားကောင်ဖြစ်တော့မယ့် လူရိုင်းတစ်ဦးကို ကယ်တင်ခဲ့တယ်။ သူ့ကို သောကြာလို့ နာမည်ပေးပြီး အင်္ဂလိပ်စကားနဲ့ အနောက်တိုင်း ယဉ်ကျေးမှုတွေကို သင်ပေးခဲ့တယ်။ သူတို့နှစ်ယောက်က ဒီကျွန်းပေါ်မှာပဲ တစ်သက်လုံးနေထိုင်သွားရမလား ?
ဒါမှမဟုတ် လာရောက်ကယ်ဆယ်သူတွေကို ကြုံတွေ့ရမလား?
လူသားစားလူရိုင်းတွေလက်ချက်နဲ့ အသက်ဇီဝိန်ချုပ်သွားရမလားဆိုတာကိုတော့ ဒီဇာတ်ကားလေးမှာပဲ ဆက်လက်ကြည့်ရှုလိုက်ကြပါအုံး။
