ကျွန်တော်တို့ရဲ့ ဇာတ်လိုက်ကျော်ကြီး ဂယွန်းအူတစ်ယောက် သူ့ရဲ့ မူရင်း Sassy girl လေးနဲ့ လမ်းခွဲခဲ့ရပြီးနောက်မှာ အသည်းကွဲဝေဒနာတွေကို အလူးအလိမ့် ခံစားနေရပါတယ်။
ဒီလို ဝေဒနာတဝဲလည်လည် ဖြစ်နေတုန်း မထင်မှတ်ထားဘဲ ငယ်သူငယ်ချင်း အချစ်ဦး တရုတ်မလေးနဲ့ ပြန်ဆုံဖြစ်ခဲ့ပြီး လက်ထပ်ဖြစ်ခဲ့ပါတော့တယ် ။
သွက်သွက်လက်လက် အချစ်ဦးလေးနဲ့ ဂယွန်းအူတို့ကြားမှာ ဘယ်လို ဟာသတွေ အလွဲအချော်လေးတွေနဲ့ကြုံရမယ့် အိမ်ထောင်သည်ဘဝလေး ဖြစ်နေမလဲဆိုတာကိုတော့ ဇာတ်ကားထဲမှာပဲ ဆက်လက်ကြည့်ရှုကြရအောင်လားဗျာ။
Cast တွေအနေနဲ့ကတော့ အားလုံးနဲ့ My Sassy Girl ကတည်းက ရင်းနှီးပြီးသားဖြစ်တဲ့ မင်းသား Cha Taehyun နဲ့ f(x) အဖွဲ့ဝင်တစ်ယောက်ဖြစ်တဲ့ မင်းသမီးချော Victoria တို့က ပါဝင်သရုပ်ဆောင် ထားကြတာဖြစ်ပါတယ်။
