သူဟာ မိသားစုနဲ့လည်း အဆက်အသွယ်ပြတ်နေပြီး ဘဝမှာ မျှော်လင့်ချက် ကင်းမဲ့နေသူလည်း ဖြစ်ပါတယ်။
တစ်နေ့မှာတော့ သူ့ရဲ့ တပ်ကြပ်ဟောင်း Max က သူ့ဆီကို မထင်မှတ်ထားတဲ့ ကမ်းလှမ်းချက်တစ်ခုနဲ့ ရောက်လာပါတယ်။
Max ရဲ့ အလုပ်ရှင်ဖြစ်သူ၊ အလွန်ချမ်းသာပြီး အမဲလိုက်ရတာကို ဝါသနာပါတဲ့ အမျိုးသမီးကြီး (Madame) ဟာ ကမ္ဘာပေါ်က တိရစ္ဆာန်အမျိုးပေါင်းစုံကို အမဲလိုက်ပြီးနောက်မှာ နောက်ဆုံးပန်းတိုင်အဖြစ် "လူ" ကို အမဲလိုက်ချင်နေတာပါ။
Maxက Skender ကို အမဲလိုက်ခံရမယ့် "သားကောင်" အဖြစ် လာရောက်ကမ်းလှမ်းတာပဲဖြစ်ပါတယ်။
နိုင်ငံခြားက တောနက်တစ်ခုမှာ တစ်လကြာအောင် ရှောင်တိမ်းရှင်သန်ရမှာ ဖြစ်ပါတယ်။
သူသေဆုံးသွားခဲ့ရင် သူ့ရဲ့မိသားစုကို ငွေကြေးအမြောက်အမြား ထောက်ပံ့ပေးမှာဖြစ်ပြီး၊ တကယ်လို့ သူရှင်သန်လွတ်မြောက်ခဲ့ရင်တော့ ထိုငွေတွေကို သူကိုယ်တိုင် ရရှိမှာ ဖြစ်ပါတယ်။
Skender ဟာ သူ့မိသားစုအတွက် ဒီစွန့်စားမှုကို လက်ခံလိုက်ပါတယ်။ ဒါပေမဲ့ သူဟာ အမဲလိုက်ပွဲအတွက် ပြင်ဆင်မယ့်အစား၊ ကျန်ရှိနေတဲ့ ခြောက်လအတွင်းမှာ သူ့ရဲ့ ဇနီးဟောင်းနဲ့ သားသမီးတွေဆီကို ပြန်သွားပြီး ဆက်ဆံရေးတွေ ပြန်လည်တည်ဆောက်ဖို့ ကြိုးစားပါတယ်။
မိသားစုအချစ်ကို ပြန်လည်ရရှိလာတဲ့အခါမှာတော့ Skender ဟာ အရင်ကထက် ပိုမိုကြောက်မက်ဖွယ်ကောင်းပြီး ရှင်သန်လိုစိတ် ပြင်းပြနေတဲ့ "သားကောင်" တစ်ကောင် ဖြစ်လာတဲ့အခါမှာတော့...
ဘာတွေဆက်ဖြစ်မလဲဆိုတာကို ဇာတ်ကားထဲမှာပဲ ဆက်လက်ကြည့်ရှုလိုက်ကြပါဦး။
