ထရစ်ရှ်နဲ့ မက်ဒီတို့ သူငယ်ချင်းနှစ်ယောက်ဟာ အရင်က စီတိုဆိုတဲ့ Killerဝေလငါးကြီးရဲ့ အလှပြကန်မှာ အလုပ်တူတူလုပ်ခဲ့ကြတဲ့ သူငယ်ချင်းတွေပါ။
စီတိုဟာ သူ့သားပေါက်လေးသေဆုံးပြီးနောက်ပိုင်းမှာ ထိန်းသိမ်းရေး ဝန်ထမ်းတစ်ယောက်ကို သတ်လိုက်မိတာကြောင့် အခုအချိန်မှာတော့ စီတိုကို အလှပြတာမျိုးတွေမလုပ်တော့ဘဲ သီးသန့်ထိန်းသိမ်းထားကြပါတယ်။
စီတိုကိုသံယောဇဉ်ရှိကြတဲ့ ထရစ်ရှ်နဲ့မက်ဒီတို့ကလည်း အလုပ်ထွက်ပြီး ကိုယ့်ဘဝနဲ့ကိုယ် အနေဝေးသွားကြပါတယ်။
တစ်နေ့မှာတော့ ထရစ်ရှ်က သူ့သူငယ်ချင်းမက်ဒီကို အပန်းဖြေခရီးထွက်ရင်း စီတိုကိုထိန်းသိမ်းထားတဲ့ေနရာဆီသွားပြီး အလွမ်းပြေသွားနှုတ်ဆက်ကြမယ်လို့လာခေါ်ခဲ့ပါတယ်။
ဒီလိုပျော်စရာခရီးစဉ်ကနေ မထင်မှတ်တဲ့ အပြောင်းအလဲတွေကြောင့် ပင်လယ်ပြင်ခေါင်ခေါင်ကြီးထဲ ထရစ်ရှ်ရယ် မက်ဒီရယ် စီတိုရယ် ဆုံတွေ့ကြတဲ့အခါ ဘာတွေဆက်ဖြစ်မလဲဆိုတာကို ရင်ခုန်စိတ်လှုပ်ရှားစွာနဲ့ ကြည့်ရှုရမဲ့ဇာတ်ကားပဲဖြစ်ပါတယ်။
ဉာဏ်ရည်မြင့် သတ္တဝါတစ်ကောင်ဖြစ်တဲ့အလျောက် သူ့ကိုပိတ်လှောင်ထားခဲ့ကြတဲ့လူတွေကို နာကျည်းမုန်းတီးနေတဲ့ အော်ကာဝေလငါးကြီး စီတို လက်ထဲကနေ ထရစ်ရှ်နဲ့မက်ဒီတို့ အသက်ရှင်လျက်လွတ်မြောက်နိုင်ကြပါမလား ဆိုတာကိုတော့ ဇာတ်လမ်းထဲမှာပဲ ဆက်လက်ကြည့်ရှုလိုက်ကြပါဦး။
