⭐️6.5
Kiki’s Delivery Service Live Action နဲ့ Marry My Husband ဇာတ်ကားထဲက
မင်းသမီးလေရဲ့ ဟာသဒရာမာဇာတ်ကားအဟောင်းလေးကို တင်ဆက်ပေးလိုက်ရပါတယ်။မီနမိဆိုတဲ့ကောင်မလေးဟာ နမော်နမဲ့နဲ့ အမြဲတမ်း တစ်ခုမဟုတ်တစ်ခုဖြစ်နေတတ်သူတစ်ယောက်ပါ။သူဟာ ကင်ဒိုင်ရေမွေးမြူရေးတက္ကသိုလ်ရဲ့ ပစိဖိတ်ဆူးတောင်ပြာတူနာငါးမွေးမြူရေးလေ့လာမှုမှာ ပါဝင်ခဲ့ပါတယ်။မီနမိတစ်ယောက် ဘယ်လောက်တောင် နမော်နမဲ့နိုင်လဲဆိုရင် လေ့လာမှုရဲ့ ပထမဆုံးရက်မှာတင်
နောက်ကျလို့ အကုန်လုံးက သူ့ကိုစောင့်နေရတဲ့အထိ ဖြစ်ခဲ့တာပါ။
မီနမိဟာ ဒီလေ့လာမှုကို ဘာလို့ ပါဝင်ရလဲဆိုရင် သူဟာ တူနာတွေကို ချစ်လို့ဖြစ်ပါတယ်။သို့ပေမဲ့လည်း တူနာငါးမွေးမြူတဲ့အကြောင်းအရာနဲ့ပတ်သက်ပြီး သူဘာတစ်ခုမှ မသိပါဘူး။တူနာငါးတွေကို မွေးမြူရေးနည်းပညာအကြောင်း စတင်သင်ကြားရတော့လည်း နမော်နမဲ့မလေး
မီနမိက အလွဲတွေလုပ်ရင်း ဗရမ်းဗတာတွေဖြစ်လို့နေခဲ့ပါတယ်။ဒီလိုနဲ့ မီနမိတစ်ယောက် တူနာငါးမွေးမြူရေးလုပ်ငန်းမှာ ဘယ်လို အလွဲတွေ ဆက်လုပ်သွားဦးမလဲ …….
ဆိုတာကို ကြည့်ရှုရမဲ့အပြင် တူနာငါးမွေးမြူရေးအကြောင်းကိုလည်း စိတ်ဝင်စားဖွယ်ရာ အသေးစိတ်
မြင်တွေ့ရမှာဖြစ်လို့ ငါးချစ်သူများအနေနဲ့ ကြည့်ရှုသင့်တဲ့ ဇာတ်ကားလေးဖြစ်ပါတယ်။
