⭐️4.8
အရှေးကူးမား၊ ဘောဘီဒိုးလ်၊ အီဖာခန်းတို့လို ဆရာကြီးသုံးယောက် ပါဝင်ထားတဲ့
အဟောင်းထဲက ရုပ်ရှင်အကောင်းလေးကို တင်ဆက်ပေးလိုက်ပါတယ်။Rom-Comလည်းဖြစ် နာမည်ကျော်တွေအများကြီးပေါင်းထားတဲ့ကားလည်းဖြစ်ဆိုတော့ ခပ်မြူးမြူးဇာတ်လမ်းလေးတစ်ပုဒ်ပါပဲ။ကီရှန်၊ ရာ့ဂျ်နဲ့ ယိုဂီတို့ဟာ အရမ်းချစ်ကြတဲ့ သူငယ်ချင်းတွေပါ၊ သူတို့မှာ ဇနီးကိုယ်စီလည်းရှိကြပါတယ်။သို့ပေမဲ့ အဆင်ပြေတဲ့ လုပ်ငန်းကို လုပ်ကိုင်နေကြပြီး အသက်ကလည်း
ငယ်ရွယ်ကြတုန်းဆိုတော့ အိမ်ထမင်းအိမ်ဟင်းတင် မဟုတ်ဘဲ လိုက်ပွဲလေးပါ ဆွဲချင်ကြတာပေါ့။
ကီရှန်၊ ရာ့ဂျ်နဲ့ ယိုဂီ တို့သုံးယောက်သားဟာ အပြင်မှာ လိုက်ပွဲလေး ဆွဲလိုက်
အိမ်ပြန်ရင် ကိုယ့်မိန်းမကို အကြင်နာတွေပေးလိုက်နဲ့ ဘဝက သာယာလို့နေခဲ့ပါတယ်။ဒီလိုနေလာကြရင်း ကီရှန်တို့သုံးယောက်ရဲ့ ဇနီးသည်တွေက သူတို့အပြင်မှာ
လိုက်ပွဲဆွဲတဲ့ကိစ္စကို သံသယဝင်လာပြီး အထူးစုံစမ်းရေးသမားကို ငှားကာ စုံစမ်းခိုင်းပါတော့တယ်။အဲဒီစုံစမ်းရေးသမားကတော့ ယခုလို ဖောက်ပြန်တဲ့အမှုမျိုးကို အထူးကျွမ်းကျင်သူတစ်ယောက်လည်းဖြစ်ပါတယ်။ဇနီးသည်တွေ ငှားလိုက်တဲ့ စုံစမ်းရေးသမားရဲ့ ဖော်ထုတ်မှုတွေနဲ့အတူ ကီရှန်တို့ သူငယ်ချင်း၃ယောက်နဲ့
သူတို့ ဇနီးသည်တွေ ဘာတွေဘယ်လိုဆက်ဖြစ်မလဲဆိုတာကိုတော့ ဆက်လက်ကြည့်ရှုပေးကြပါဦး။(အညွှန်းနဲ့ ဘာသာပြန်ကတော့ B Team ပဲဖြစ်ပါတယ်)
