ဒါရိုက်တာကတော့ မှုခင်းမှတ်တမ်းတွေရိုက်လေ့ရှိတဲ့ Skye Borgman ဖြစ်ပါတယ်။
မီချီဂန်ပြည်နယ် ဘီးလ်ဆိုတဲ့ မြို့သေးသေးလေးမှာ ဆယ်ကျော်သက်လူငယ်စုံတွဲလေးဖြစ်တဲ့ အိုဝင်နဲ့လော်ရန်တို့ဟာ ပြင်းထန်တဲ့အွန်လိုင်းတိုက်ခိုက်မှုခံခဲ့ရပါတယ်။
ဘယ်သူမှန်းမသိတဲ့လူတစ်ဦးက သူတို့ဆီကို ကြမ်းတမ်းခက်ထန်တဲ့မက်ဆေ့ချ်တွေနေ့စဥ်ပို့ပြီး စိတ်ဒဏ်ရာရစေခဲ့ပါတယ်။
ကလေးနှစ်ယောက်ရဲ့မိဘနှစ်ပါးဟာလည်း ရနိုင်သမျှသက်သေအချက်အလက်တွေစုပြီး သူတို့သံသယဝင်မိတဲ့သူတွေကိုစာရင်းပြုစုပြီး ရဲတွေကိုစစ်ဆေးမေးမြန်းခိုင်းပါတယ်။
ဒါပေမဲ့ ဘာမှမထူးဘဲ မက်ဆေ့ချ်ပို့တာတွေက နောက်တော့ပိုဆိုးလာတာကြောင့် FBI ပါ ပါဝင်ပြီးစုံစမ်းပေးခဲ့ရတဲ့အထိဖြစ်ခဲ့တယ်။
အဲ့တော့မှ ထိုမက်ဆေ့ချ်တွေကို ပို့တဲ့ဖုန်းနံပါတ်ရဲ့ IPလိပ်စာကနေတစ်ဆင့်ရှာလိုက်မှ တရားခံကိုသိခဲ့ရပါတယ်။
အဲ့တရားခံကိုသိလိုက်ရတဲ့အချိန်မှာ လူတွေအားလုံးအံ့သြတုန်လှုပ်ခဲ့ရတဲ့အထိဖြစ်ခဲ့တဲ့မှုခင်းတစ်ခုပါ။
ဒီမှတ်တမ်းရုပ်ရှင်မှာ ဒီဖြစ်ရပ်မှန်မှာ ပါဝင်ခဲ့ကြတဲ့သူတွေ အားလုံးကိုယ်တိုင် ဖြစ်ကြောင်းကုန်စဥ်အကုန်ပြောပြထားပြီး သူတို့ကြုံတွေ့ခဲ့ရတဲ့အခက်အခဲတွေနဲ့ တရားခံကဘယ်လိုမှ မထင်ထားခဲ့တဲ့သူဖြစ်နေတာကို တွေ့မြင်ခံစားရမှာပါ။
