အဲ့ဒီပြဇာတ်ဟာ တိုက်ခန်းအစစ် လမ်းအစစ် နေရာအစစ်တွေမှာ တကယ် သရုပ်ဆောင်နေသလိုမျိုး ပါဝင်ရတာ ဖြစ်ပါတယ်။ James နဲ့ Wallace တို့ ညီအစ်ကို နှစ်ယောက် လမ်းဘေးကဖုန်းရုံနားမှာ ပြဇာတ်အဖွဲ့က ဖုန်းခေါ်လာမှာကို စောင့်နေချိန်မှာ ဖုန်းဝင်လာပြီး တစ်ဖက်ကလူတစ်ယောက်က Spenser ဆိုတဲ့လူကို လိပ်စာတစ်ခုပေးပြီး အဲ့ဒီလိပ်စာရောက်ရင် အပေါ်ထပ်မှာ ရှိတဲ့ အမျိုးသမီးငယ် တစ်ယောက်ကို သတ်ပြီး အလောင်းဖျောက်ဖို့ တာဝန်ပေးပါတယ်။
James က သူ့အစ်ကိုကို ဖုန်းခေါ်လာသူဟာ ပြဇာတ်အဖွဲ့ကဖြစ်ကြောင်းပြောပြီး ထိုသူပေးတဲ့ လိပ်စာကိုခေါ်သွားပေးခဲ့ပါတယ်။
တကယ်က လူသတ်သမားရဲ့ ဖုန်းနဲ့ မှားဆက်သွယ်မိပြီး Wallace တစ်ယောက်အလွဲလွဲအချော်ချော်ဖြစ်ရပုံကိုကြည့်ရမှာပါ။ ဇာတ်လမ်းဇာတ်အိမ်ကောင်းတဲ့ ဟာသကားကောင်းမို့လို့ ခံစားကြည့်ရှုဖို့ တိုက်တွန်းပါတယ်။
