ကားပြန်ယူအပြီးမှာတော့ မူလရည်ရွယ်ချက်အတိုင်း အနားယူဖို့ အိမ်ပြန်လာပါတော့တယ်။ ဒါပေမယ့် အနားယူချိန်ဟာ မကြာခဲ့ပါဘူး။ သူအတိတ်က အနားယူခွင့်ရဖို့ လုပ်ပေးခဲ့တဲ့ နာက်ဆုံးအလုပ်ကို ကူညီပေးခဲ့တဲ့သူက သူ့အတွက် အလုပ်လုပ်ပေးဖို့ အကြွေးပြန်လာတောင်းပါတော့တယ်...
နာမည်ကြီး လူသတ်သမား ဂျွန်ဝစ်ခ်ဟာ လျှို့ဝှက်နိုင်ငံတကာ လူသတ်သမားအဖွဲ့တစ်ဖွဲ့ရဲ့ အလုပ်ကို ထိန်းချုပ်ရယူဖို့ ကြံစည်နေတဲ့ အရင်က အပေါင်းပါတစ်ယောက်ကြောင့် လူသတ်သမားလောကက အနားယူရာကနေ ပြန်ပါဝင်လာခဲ့ရပါတယ်။ အဲဒီလူကို ကူညီပေးပါ့မယ်လို့ သွေးသစ္စာကျိန်ဆိုထားခဲ့တဲ့ ဂျွန်ဝစ်ခ်ဟာ ရောမမြို့ကို ရောက်လာပြီးတော့ ကမ္ဘာ့ကြောက်စရာအကောင်းဆုံး လူသတ်သမားတချို့နဲ့ ရင်ဆိုင်ခဲ့ရပါတယ်။
ဘာဘာယာဂါက လူသတ်သမားဟောင်းတစ်ယောက်နေရာက သရုပ်ဆောင်ထားပြီး စီဟဒ်စတာဟယ်စကီးရိုက်ကူးထားတဲ့ John Wick: Cha-pter 2 ဇာတ်ကားကို နယူးယောက်၊ ရောမ၊ မွန်ထရီရယ်နဲ့ မော်စကို မြို့တွေမှာ ရိုက်ကူးထားပြီးတော့ ၂၀၁၄ က John Wick ဇာတ်ကားကို အခြေခံထားတာဖြစ်ပါတယ်။
John Wick 2 ဇာတ်ကားရဲ့ အဓိက မင်းသားကီနူးရိဗ်ရဲ့ ‘‘ဘယ်သူတွေပဲလာလာ ငါအားလုံးကို သတ်ပစ်မယ်’’ဆိုတဲ့ ပြောစကားနဲ့အညီ ဒီဇာတ်ကားဟာ အက်ရှင်ဇာတ်ကား ကြမ်းကြမ်းရမ်းရမ်းကိုမှကြိုက်တဲ့ ပရိသတ်တွေ အကြိုက်တွေ့စေမယ့် ဇာတ်ကားတစ်ကားဖြစ်ပါတယ်။
ဂျွန်ဝစ်ခ်ဟာ ဒုစရိုက်လောက က အနားယူဖို့ ဆုံးဖြတ်ခဲ့ပေမယ့်လည်း မကင်းရာမကင်းကြောင်း လူသတ်သမားဟောင်း တစ်ယောက်အတွက်နဲ့ လူသတ်သမားလောကထဲ ပြန်ဝင်လာပြီး နောက်မှာ ထိတ်ထိတ်ကြဲ လူသတ်သမားတွေကို ဘယ်လိုမျိုးရင်ဆိုင်ရှင်းမလဲဆိုတာ..
