ဇာတ်လမ်းအကျဉ်း ****
ဂျီအွန်းအီဟာ ဖက်ရှင်မဂ္ဂဇင်းတစ်ခုက အလုပ်ကြိုးစားတဲ့ အယ်ဒီတာ တစ်ယောက်ဖြစ်ပြီး တခြားမိန်းကလေးတွေလို သူများအပေါ် သိပ်မမှီခိုတတ်ဘဲ ကိုယ့်ဘာသာရပ်တည်တတ်တဲ့သူဖြစ်တာကြောင့် တွဲခဲ့တဲ့ရည်းစားတွေတိုင်းနဲ့လည်း ပြတ်ခဲ့ပြီး တစ်ကိုယ်တည်းပဲ နေတော့မယ်လို့ ဆုံးဖြတ်ထားသူဖြစ်တယ်။
အပေါင်းအသင်းမိတ်ဆွေတွေက အဖော်ရအောင် Pet မွေးပါ့လားလို့ အကြံပေးကြတဲ့အတွက် ခွေးလေးတစ်ကောင် မွေးဖို့ စဉ်းစားနေခဲ့ပါတယ်။ အဲဒီအချိန်မှာ မောင်ဖြစ်သူက နေစရာ မရှိလို့ နေရာ ရှာနေတဲ့ ဘဲလေးအကသမား ဂန်အင်ဟိုကို အစ်မ ဖြစ်သူရဲ့ အိမ်ကို ခေါ်လာခဲ့ပါတယ်။ မောင်ဖြစ်သူက ဂန်အင်ဟိုဆီကနေ ၆လစာ အိမ်ငှားစရိတ်ကြိုယူခဲ့တာကြောင့် ဂျီအွန်းအီလည်း ဂန်အင်ဟိုကို လက်မခံချင်ဘဲ လက်ခံလိုက်ရပါတော့တယ်။
ဒါပေမဲ့ ဂန်အင်ဟို ထွက်သွားအောင်လို့ Pet အဖြစ်နဲ့နေမှ နေခွင့်ပေးမယ်လို့ပြောခဲ့ပေမဲ့ ဂန်အင်ဟိုက ထွက်မသွားဘဲ အိမ်မှာပဲ နေဖို့သဘောတူလိုက်တဲ့အခါ အတူတူနေကြရင်း သံယောဇဉ်တွယ်လာချိန်မှာပဲ ဂျီအွန်းအီရဲ့ ငယ်ချစ်ဦးက ပေါ်လာပြီး လက်ထပ်ခွင့် တောင်းလာတဲ့အခါ.... ဘာတွေဆက်ဖြစ်မလဲဆိုတာကို ဇာတ်လမ်းလေးထဲမှာပဲ ဆက်လက် ကြည့်ရှုအားပေးကြပါဦးနော်။
