⭐️6.0
အသစ်စက်စက် အက်ရှင်ကားလေးတစ်ကားနဲ့ အားလုံးကိုမိတ်ဆက်ပေးချင်ပါတယ်။ မင်းသား Scott Adkins ပါဝင်သရုပ်ဆောင်ထားတာကြောင့် နာမည်ကြီးနေတဲ့ဇာတ်ကားဖြစ်ပြီး IMDB rating 6 ရရှိထားပါတယ်။
အယ်လီဆာဟာ နာမည်ကြီး ကိုလံဘီယာဂန်းစတားခေါင်းဆောင်ကြီးတစ်ယောက်ရဲ့ သမီးဖြစ်ပြီး ဖခင်ရဲ့မေတ္တာတွေအောက်မှာ သက်တော်စောင့်တွေရဲ့အစောင့်အရှောက်နဲ့ ဘဝကိုပြည့်စုံစွာဖြတ်သန်းနေသူဖြစ်ပါတယ်။
ဒီလိုနဲ့တစ်ရက်မှာတော့ အယ်လီဆာဟာ သက်တော်စောင့်တွေရဲ့မျက်စိအောက်မှာတင် ပြန်ပေးဆွဲခံလိုက်ရပါတယ်။ သူ့ကိုပြန်ပေးဆွဲလာသူ ခရစ်က သူဟာ အယ်လီဆာ့မိခင်ရဲ့သူငယ်ချင်းဖြစ်ပြီး ပေးခဲ့တဲ့ကတိကိုတည်ဖို့ အယ်လီဆာကိုလာခေါ်တာဖြစ်တယ်လို့ ပြောပါတယ်။
တစ်ဖက်မှာတော့ အယ်လီဆာ့အဖေဟာ အာဏာရှိ မြေအောက်ဂိုဏ်းခေါင်းဆောင်တစ်ယောက် ဖြစ်တာနဲ့အညီ လူပေါင်းမြောက်မြားစွာစေလွှတ်ပြီး သမီးဖြစ်သူကိုလိုက်လံရှာဖွေစေခဲ့ပါတယ်။
အဲဒီလိုနဲ့ ခရစ်အတွက် ဆူးခင်းတဲ့ခရီးလမ်းတစ်ခုကိုဖြတ်ရင်း သူ့ရဲ့ရည်ရွယ်ချက်အစစ်အမှန်က ဘာလဲဆိုတာကို အယ်လီဆာသိလာရပါတော့တယ်။
