⭐️5.3
Witchboard ဆိုတာနောက်ပိုင်းမှာခေတ်စားလာတဲ့ Ouija Board တွေနဲ့အလားသဏ္ဍာန်တူပြီး Witchboard တွေကတော့ ပိုရှေးကျတဲ့ ကနဦးပုံစံတစ်မျိုးဖြစ်ပါတယ်။
အမ်မလီနဲ့သူ့ခင်ပွန်းလောင်းခရစ်ရှန်တို့ဟာ မကြာခင်ဖွင့်လှစ်တော့မယ့် သူတို့ရဲ့ စားသောက်ဆိုင်အသစ်အတွက် အော်ဂဲနစ်အသီးအရွက်တွေလိုက်ရှာရင်း တောအုပ်တစ်နေရာကနေ Witchboard တစ်ခုကိုရှာတွေ့ခဲ့ပြီး စားသောက်ဆိုင်မှာအလှဆင်ဖို့ ရည်ရွယ်ချက်နဲ့ယူလာခဲ့မိပါတယ်။
ဒါပေမယ့် ဆေးစွဲနေရာကနေ နာလန်ထူကာစဖြစ်တဲ့ အမ်မလီဟာ ဒီဘုတ်အပေါ် အစွဲအလန်းကြီးလာခဲ့ပြီး စမ်းသုံးမိရာကနေ ထူးခြားဆန်းကြယ်တဲ့ဖြစ်ရပ်တွေနဲ့စတင်ရင်ဆိုင်လာရသလို သူတို့ဝန်းကျင်ကလူတွေကိုပါ ထိခိုက်သေဆုံးတဲ့အထိ ဖြစ်လာခဲ့တယ်။
အဲ့နောက်မှာတော့ ဒီဘုတ်ရဲ့နောက်ခံသမိုင်းကြောင်းနဲ့အကြောင်းရင်းကိုရှာဖွေရာကနေပိုနက်ရှိုင်းတဲ့အန္တရာယ်တောထဲကို သူတို့တိုးဝင်မိကြပါတော့တယ်။
1986 နာမည်ကျော်ဇာတ်ကားကိုပြန်လည်အသက်သွင်းမှုဖြစ်ပြီးသူ့နည်းသူ့ဟန်နဲ့ကြည့်ကောင်းတဲ့ဇာတ်ကားဖြစ်ပါတယ်။
အကောင်းဆုံးအချက်ကတော့ ၁၉၈၀ နဲ့ ၉၀ ဝန်းကျင်က ဟော်ရာဇာတ်ကားတွေရဲ့အငွေ့အသက်ကိုအပြည့်အ၀ရတဲ့ဇာတ်ကားပါ။မြည်းစမ်းကြည့်ကြပါဦး။
