⭐️6.4
ဇာတ်လမ်းအညွှန်း
ပြိုင်ကားချစ်သူတို့အကြိုက်တွေ့စေမဲ့ အမေရိကန်
လူငယ်အက်ရှင်-ဒရာမာ ဇာတ်ကားဖြစ်ပြီးဗီဒီယိုဂိမ်းတွေကိုအခြေခံရိုက်ကူးထားပါတယ်။
အမေရိကန်ရဲ့ နာမည်ကြီးပေ့ဆိုတဲ့ ကားအကောင်းစားတွေကိုမှ CGI နည်းနည်းပဲသုံးထားပြီး တကယ့်ကားစတန့်ပြကွက်တွေ ထည့်သွင်းရိုက်ကူးထားတာကြောင့် Golden Trailer Awards (2014), World Stunt Awards (2015), Teen Choice Awards (2014), BMI Film & TV Awards စတဲ့ဆုတံဆိပ်ပေါင်းများစွာ သိမ်းပိုက်ခဲ့တဲ့ ဇာတ်ကားကောင်းတစ်ကားလည်းဖြစ်ပါတယ်။
သရုပ်ဆောင်တွေကတော့ နာမည်ကျော် မင်းသား Aaron Paul က Tobey Marshall အဖြစ်လည်းကောင်း၊ မင်းသား Dominic Cooper က Dino Brewster အဖြစ်လည်းကောင်း၊ နာမည်ကျော် မင်းသမီး Imogen Poots က Julia Maddon အဖြစ်လည်းကောင်း ပါဝင်သရုပ်ထားကြပါတယ်။
ဇာတ်လမ်းအကျဉ်းကတော့ တိုဘီမာရှယ်ဟာ မြို့ငယ်လေးက ကျွမ်းကျင်တဲ့ ပြိုင်ကားဆင်သူတစ်ဦးဖြစ်ပြီး တရားမဝင် street race တွေမှာ ဝင်ပြိုင်လေ့ရှိပါတယ်။ ဂျူလီယာကတော့ ကားပွဲစားတစ်ဦးဖြစ်ပြီး မြန်ပေ့ဆိုတဲ့ကားတွေကိုမှ အရောင်းဝယ်လုပ်သူပါ။ ဒီနိုကတော့ ကားပြိုင်ပွဲ အကြီးစားတွေထိဝင်ပြိုင်ပြီး နိုင်ပွဲတွေလည်းရခဲ့တာကြောင့် စိတ်ကြီးဝင်နေသူတစ်ယောက်ဖြစ်ပါတယ်။
ကားပြိုင်ပွဲတစ်ခုနဲ့ပတ်သက်ပြီး ဒီနိုရဲ့ ချောက်ချမှုကြောင့် ထောင်ကျခဲ့ရတဲ့တိုဘီဟာ ဂျူလီယာအကူညီနဲ့ နာမည်ကြီး ဒဲလီယွန်ကားပြိုင်ပွဲမှာ ဒီနိုကို လက်စားချေဖို့ဖြစ်လာပါတော့တယ်။ ထောင်ထွက် မျက်နှာမွဲလေး တိုဘီတစ်ယောက် နောက်ခံအင်အားတောင့်တင်းတဲ့ ဒိုဘီကို ကားပြိုင်ပွဲကြီးမှာ အနိုင်ယူပြီး အမှန်တရားကို သက်သေပြနိုင်ပါ့မလားဆိုတာကိုတော့ ဇာတ်ကားထဲမှာ ဆက်လက်ရှုစားလိုက်ကြပါဦးနော်။
